سعر ومواصفات موبايل ريلمي 11 فايف جي منافس قوي في فئة الهواتف الاقتصادية

سعر ومواصفات موبايل ريلمي 11 فايف جي منافس قوي في فئة الهواتف الاقتصادية

يلا نتعرف على أرخص موبايل من ريلمي يدعم شبكات الجيل الخامس اللي اطلقتة مؤخرا وهو Realme 11 5G الموبايل بييجي بمميزات كتير اوي من أهمها الشاشة اللي بتيجي بمقاس 6.72 بوصة صحيح انها بتيجي من نوع  IPS ولكنها بمعدل تحديث 120 هيرتز.

اما بقا بالنسبة للمعالج ميديا تيك Dimensity 6100 Plus واللي بيدعم شبكات الجيل الخامس وبيقدم أداء ممتاز وكمان الذاكرة الداخلية للموبايل ممتازة وكبيرة 256 جيجا بايت والرام 8 جيجا بايت.

كل ده غير الكاميرا الخلفية اللي بتيجي بدقة 108 ميجا بكسل، والكاميرا الأمامية بدقة 16 ميجا بكسل والكاميرات بتقدم أداء رائع والبطارية بسعة 5000 مللي أمبير وكمان الشركة خليته داعم للشحن السريع اللي بيوصل لـ 67 واط

تعالو بقا نتعرف علي المميزات والعيوب في الموبايل وموصفات سريعة وهل الموبايل يستحق الشراء ام لا؟

مواصفات موبايل Realme 11 5G

  • الشاشة: IPS LCD بمساحة 6.72 بوصة بدقة الـ 1080×2400 بكسل معدل تحديث 120 هرتز
  • المعالج  ميديا تيك Dimensity 6100 Plus بتكنولوجيا 6 نانو مع معالج رسومي من نوع Mali-G57 MC2
  • الذاكرة الذاكرة الصلبة في الموبايل 256 جيجا بايت من نوع UFS 2.2 مع ذاكرة عشوائية (رام) بسعة 8 جيجا بايت.
  • الكاميرا:  الكاميرات الخلفية ثنائية 108+2 ميجا بكسل والكاميرا الامامية 16 ميجا بكسل.
  • البطارية:  5000 مللي أمبير
  • نظام التشغيل:   اندرويد 13 بواجهة ريلمي الأحدث الـ Realme UI 4.0
ريلمي 11 فايف جي
ريلمي 11 فايف جي

مميزات العدة

  • الموبايل بيجي داعم لمنفذ الـ 3.5 ملم الخاص بسماعات الأذن.
  • وزي ما عودتنا شركة ريلمي وهي التصميمات الممتازة ودا اللي احنا شايفينة في الموبايل ده ودا لان التصميم مميز وشبه التصميمات اللي ريلمي بتطلعها دايمًا، دا غير ان الموبايل من البلاستيك ودا اللي هيخليه يستحمل الصدمات الخفيفة.
  • الكاميرا الخلفية الأساسية بتقدم تجربة تصوير كويسة في الصور ودا بسبب الدقة الكبيرة اللي بتيجي 108 ميجا بكسل فتحة عدسة F/1.8 وهي الكاميرا الأساسية أما عن الكاميرا الثانية تأتي بدقة 2 ميجا بكسل فتحة عدسة F/2.4 خاصة بالعزل.
  • الموبايل بيدعم تشغيل شريحتين وكارت ميموري في نفس الوقت ودا اللي بيخلي الموبايل ممتاز ومش هتحتاج انك تستغني.
  • البطارية كبيرة السعة كبيرة بالنسبة للموبايلات في الفئة السعرية دي اللي بتوصل 5000 وبيشحن بسرعة 67 واط، وبتدوم فترة طويلة، وبيشحن البطارية بالكامل في ساعة وربع ودا وقت كويس قوي.
  • المعالج من نوع Dimensity 6100 Plus، وبيقدم أداء كويس، بس هو نفس أداء G99 تقريبا وكمان بيدعم شبكات الجيل الخامس ودا اللي بيدي افضلية كبيرة للموبايل ده علي موبايلات تانيه في نفس الفئة.
  • واحدة من النقط اللي كانت محتاجة بس شوية تحسين هي الشاشة ودا لانها بتيجي من نوع IPS LCD بس الجميل وبتدعم معدل التحديث الـ 120 هيرتز بس كان من الأفضل لو كانت أموليد
  • الموبايل بيقدم شبكات قوية وكمان الموبايل بيجي فيه ميكرفون اضافي لعزل الضوضاء فهتلاقي الصوت في المكالمات كويس.
Realme 11
Realme 11

عيوب العدة

  • الموبايل من البلاستيك الخالص سواء الظهر او الاطار ودا اللي بيخليه أسوأ اختيار في الفئة دي علشان مبيستحملش الخدوش وكمان لازم يكون الجراب سيلكون
  • الموبايل مبيدعمش تسجيل الفيديوهات 4K واللي حاليا يُعد دعم تسجيل الفيديوهات بالدقة دي واحد من اهم المميزات للمستخدمين اللي بيصورو فيديوهات كتير بجودة عالية علشان التيك توك والانستجرام وغيرها من مواقع التواصل الاجتماعي.
  • لا يدعم الهاتف كاميرا التصوير الواسع الـ Ultra Wide: كاميرا التصوير الواسع بتكون مفيدة لتصوير الصور البانوراما أو الصور الجماعية
  • كنا نتمنى أن تأتي الشاشة من نوع اموليد بدلاً من الـ IPS بعكس الإصدار السابق: شاشات AMOLED بتقدم جودة صورة أفضل من شاشات IPS LCD، وكمان بتقدم ألوان أكثر حيوية ودرجة سطوع أعلى، دا غير ان الحافة السفلية للهاتف كبيرة نسبيا: ده ممكن يكون مزعج لبعض الناس
  • خلينا نقول ان معالج الموبايل ممتاز ولكنة في النهاية مش بيقدم أداء مختلف عن المعالجات اللي موجودة في الهواتف الأغلى منه او بيقدم طفرة عن الإصدار الأقل سعر منه من نفس الشركة بالعكس الفرق في الأداء مش هتحس بيه أصلا.

سعر العدة

  • سعر الموبايل في مصر للنسخة 256 جيجا مع 8 جيجا رام بسعر 9500 جنية وزي ما احنا متعودين الموبايل بيجي بضمان دولي.
  • وسعرة في السعودية للنسخة 256 جيجا مع 8 جيجا رام بسعر 880 ريال سعودي.
  • وسعر النسخة الـ 256 جيجا مع 8 جيجا رام في الإمارات بيوصل لحوالي 800 درهم اماراتي.

تقييم العدة النهائي

بالطبع، يستحق Realme 11 5G الشراء، خاصةً إذا كنت تبحث عن هاتف اقتصادي يدعم شبكات الجيل الخامس ويقدم أداءً جيدًا وشاشة كبيرة بمعدل تحديث عالي وكاميرا خلفية رئيسية بدقة عالية وبطارية كبيرة بدعم الشحن السريع، ولكن بردو لازم ننوه ان الموبايل له في نفس الفئة السعرية يتواجد Realme 11 4G بمواصفات متشابهه جدا ولكن مع شاشة أموليد أفضل والسبب الوحيد اللي بيخلي الموبايل ده يتفوق هو ان Realme 11 5G بيدعم شبكات الجيل الخامس فقط واللي بالمناسبة مش هتحتاجها في مصر ومعظم الوطن العربي.

تعليقات (0)
إغلاق